സംസ്ഥാനത്ത് ഇന്ന് റെക്കോഡിട്ട് സ്വര്‍ണവില. എക്കാലത്തെയും ഉയര്‍ന്ന നിരക്കിലാണ് ഇന്നത്തെ നിരക്ക്. ഒരു പവന് സ്വര്‍ണത്തിന് 78,920 രൂപയാണ് ഇന്നത്തെ നിരക്ക്. ഒറ്റയടിക്ക് 560 രൂപയാണ് ഇന്ന് വര്‍ദ്ധിച്ചിരിക്കുന്നത്. ഇന്നലെ 78,360 രൂപയായിരുന്നു ഒരു പവന് നല്‍കേണ്ടിയിരുന്നത്. സെപ്റ്റംബര്‍ മൂന്നിലെ 78,440 രൂപയില്‍ നിന്ന് 80 രൂപ കുറഞ്ഞാണ് 78,360 രൂപയിലേക്ക് എത്തിയത്. ഗ്രാമിന് ഇന്ന് നല്‍കേണ്ടത് 9865 രൂപയാണ്. 9795 രൂപയായിരുന്നു ഇന്നലത്തെ നിരക്ക്.
വിവാഹ ആവശ്യക്കാരെയും സ്വര്‍ണാഭരണ പ്രേമികളെയും സംബന്ധിച്ച് സ്വര്‍ണവിലയില്‍ വര്‍ദ്ധന വളരെ വലിയ വെല്ലുവിളിയാണ്. വരും ദിവസങ്ങളിലും വിലയില്‍ വര്‍ദ്ധനവ് ഉണ്ടായേക്കും.
ജനുവരി 22നാണ് സ്വര്‍ണവില ആദ്യമായി 60,000 കടന്നത്. തുടര്‍ന്ന് ഫെബ്രുവരി 11ന് പവന് വില 64,000 കടന്നിരുന്നു. മാര്‍ച്ച് 14ന് 65,000 കടന്ന വില ഏപ്രില്‍ 12നാണ് ആദ്യമായി 70,000 കടന്നത്. തുടര്‍ന്ന് ഏപ്രില്‍ 17ന് പവന് വില 71,000 രൂപയും ഏപ്രില്‍ 22ന് വില 74,000 രൂപയും കടന്നു. ട്രംപ്-സെലെന്‍സ്‌കി കൂടിക്കാഴ്ചയോട് വിപണി വലിയ രീതിയില്‍ പ്രതികരിച്ചിട്ടില്ല. രാജ്യാന്തര വിപണിയിലെ മാറ്റങ്ങളും പ്രാദേശിക ആവശ്യകതകളിലെ ഏറ്റക്കുറച്ചിലുകളുമാണ് സ്വര്‍ണവിലയിലെ മാറ്റത്തിന് കാരണം.
Content Highlights: Gold Price Today